This baby fine, she goes well
Some things dey miss but I no send
Na once I slide, she slide too
I start to vibe, she begin vibe too

She kpor me, I be like area
I kpor her, she be like player
I throw leg, like Van Damme
She try dribble, but I be Jaap Stam

I see her shine, I send her passage
She see my style, we begin package
My wallet empty, like her baggage
I clear her, she nor even form savage

She HO digits, I ring am, she bone
I say visit, she say no away or home
We mash am. We plan
E nor tey, we jam

Na wetin I order, na I see
Na as she yarn, na im she be
I give her my word, na im she gree
To combine forests, to be my tree

I dey her back, and she dey follow
Dey combine joy, dey chase out sorrow
And she sharp pass razor blade
If she wan cut me, na one way

Her food small, but I dey wack am
One side na starch, one na Banga
The meat small but no Kanda
Soft but na like kpako I dey knack am

Today, I go skemp her again
Corner her clothes like cellophane
Carry her go heaven, without wings
Dey praise God, dey commit sin

Na my woman she be




© Jigs Lionheart